Жерими Кох
Channel News Asia
Монгол улс төвийг сахисан улс болохоо хараахан тунхаглаагүй хэдий ч Ерөнхийлөгч Цахиагийн Элбэгдорж “Монгол улс үнэн хэрэгтээ бүх зүйл дээр төвийг сахисаар ирсэн бөгөөд асуудал нэрэндээ л байгаа юм” гэж мэдэгдсэн юм.
Улаанбаатар: Чингис хаан XIII зуунд цэргийн хатуу хүчээр Монголын эзэнт гүрнийг Чингис хаан байгуулж байсан билээ. Гэвч өнөөдөр орчин үеийн монгол үндэстэн нь дайнаас нөхөрлөлийг илүүтэйд үздэг залуу ардчилагчид болоод байна.
Эх газрын Монгол улс хоёр их гүрэн Хятад, Оростой хил залгаа оршдог ба түүхийн янз бүрийн үед хөршүүдийнхээ нэг хэсэг нь байсан. 1990 онд хуучин ЗХУ-аас хараат биш болсон. Мөн гуравдагч хөршийн бодлогын хүрээнд сүүлийн жилүүдэд Монгол улс АНУ, Япон гэх мэт шинэ холбоотнуудтайгаа харилцаагаа сайжруулсаар ирсэн.
Монголын Олон Улсын Харилцааны хүрээлэнгээс “Монгол улсын тусгаар тогтнолд гуравдагч хөршийн бодлого чухал юм. Бид хоёр хөршийнхөө нөлөөнд байхгүйг хичээж байна. Иймд бид бусад улсуудтай ч харицлаа тогтоох хэрэгтэй юм.” гэж Профессор Дашнямын Золбоо хэлжээ.
Монгол улс нь асар уудам газар нутагтай Азийн улс орон хэдий ч дөнгөж гурван сая гаруй хүн амтай учир хамгийн ойрын хөршүүдээсээ болгоомжлох шалтгаан хангалттай байдаг. Хятад нь Монголын хамгийн том эдийн засгийн түнш ба экспортын 80 хувь, импортын 30 хувийг эзэлдэг. Харин Монголын эрчим хүчний импортын хэрэгцээг Орос бүрэн хангадаг.
Монгол улс хөндлөнгийн давамгайллаас хамгаалахаар төвийг сахих албан ёсны бодлогоо батлахыг хүсж байгаа.
Ерөнхийлөгч Цахиагийн Элбэгдорж Монголын ардчиллыг бүтээгчдийн нэг нь Эвсэлд Үл Нэгдэх бодлого ба тус улсын энх тайван, аюулгүй байдал болон тэнцвэртэй гадаад харилцаанд сайнаар үйлчилнэ гэж үздэг аж.
Ерөнхийлөгчид төвийг сахих бодлогыг зөвлөсөн судлаачдын нэг МУИС-ийн ГХС-ийн профессор Ж.Баясах “Хэрвээ бидний хөршүүдэд ямар нэгэн зүйл болбол бид “Уучлаарай бид оролцохгүй ээ, энэ бол тэдний дотоод асуудал, бид тэдний дотоод хэрэгт хөндлөнгөөс оролцохгүй” гэж хэлж чадна.” гэж хэлжээ.
Монгол улс аль ч талыг баримтлахгүй гэсэн санааг Хятад болон Оросод суулгахад тусална гэдэгт итгэж байгаа юм.
“Бид тэдэнтэй харилцаагаа маш найрсаг төвшинд хадгалахыг хичээж байна. бид ямар нэгэн их гүрнийг дагах хэрэггүй, бид өөрсдийн өвөрмөц онцлог шинж байдлыг бүтээхийг оролдож байна.” гэж Профессор Дашням хэлжээ.
Монгол улс хараахан төвийг сахисан улс болохоо тунхаглаагүй хэдий ч Ерөнхийлөгч Цахиагийн Элбэгдорж “Монгол улс үнэн хэрэгтээ бүх зүйлд төвийг сахисаар ирсэн боловч нэрэнд л асуудал байна” гэж мэдэгдсэн юм.
Ялангуяа одоо Монгол улс өнөөгийн байдлаар өрийн хямралтай тэмцэж байх үед, зарим нь үүнийг хэт яарсан байна гэдэг.
Профессор Баясах “Гурвалсан хөршийн бодлогод магадгүй анх удаа хоёр том хөрш маань бидэнтэй ийм найрсаг харилцаатай байгаа ба бид энэ сайхан боломжийг ашиглан дэд бүтцээ хөгжүүлэн, хоёр хөрштэйгээ эдийн засгийн харилцааг сайжруулж үүнээс ашиг хүртэх хэрэгтэй” гэжээ.
Англи хэлнээс орчуулж бэлтгэсэн ГБСХ-ийн идэвхтэн гишүүн Б.Тэмүүлэн
